بلاها إيجار

( شركة العاصمة الإدارية تطلب إيجار أربع مليارات جنيه إيجار الحي الحكومي يعني ٤٨ مليار في السنة ..طب يا جماعة المنشأت الحكومية تفضل زي ماهي في أماكنها بلاها إيجار .. دا أحنا فقرا ومديونين ياجدعان )

ربنا يسترها علينا

( بعد التقارير الإقتصادية الأخيرة لمصر [ يوليو ٢٠٢٢ ] إكتشفنا ان مصر عايشة بالبركة )

إتكشفتم

( معظم الذين يتظاهرون ضد قرار المحكمة القضائية في الولايات المتحدة " بحظر الاجهاض " هم نفسهم الذين ينادون بحقوق الانسان و حقوق المرأة .. أقول لهؤلاء المُدّعين .. أليس للجنين الحق في الحياة !! )

أمنية

( مطلوب تحويل كورنيش الاسكندرية إلى صورة طِبق الأصل من " ممشى أهل مصر " ربما وقتها تعود الإسكندرية عروس البحر المتوسط ) 

الشر بره وبعيد

( بريطانيا و النبي خفي عنا شوية .. التهاب كبدي غامض و جدري قرود !! مش ناقصين احنا لسه بنقول يا هادي من الكورونا )

الرحمة حلوة

( أيها الدولار اللعين كله ضرب ضرب كدا !!مافيش شتيمة .. حِلمك علينا شوية  ) 

خبر سعيد

( لم يعد هناك أي أخبار سعيدة حولنا ..فاجعل من نفسك الخبر السعيد )