خبر سعيد

( لم يعد هناك أي أخبار سعيدة حولنا ..فاجعل من نفسك الخبر السعيد )

بكرى هتندموا

( من يتمنون سقوط الولايات المتحدة و أفول نجمها أمام بوتين و الصين بكرى هيندموا و يقولوا ولا يوم من يومك يا أمريكا )

جاتنا ستين خيبة

( الحكومة الإمراتية بتغازل الوفد الإسرائيلي عند استقباله بالأحضان في بلادها فصرحت لهم بما معناه إن العرب غلطانين في معادتهم كل هذه السنوات .. حد يلطشلي علشان أفوق . )

إعرف قيمتك

( اللي ما يعملش قيمة لنفسه ماحدش يعمله قيمة )

أولاد البطة السودة

( بقالي يومين مفروسة من التفرقة العنصرية عند الأوروبين .. بيقولوا إنهم  لازم يقفوا جنب اوكورانيا في الحرب ضد روسيا علشان دي بلد ناسها متحضرة وكيوت وحلوين زيهم  .. مش زي الناس الهمج التانيين اللي هما احنا يعني )

سترك يارب

( بوتين ( نفخ ) أوكرانيا وأي محاولة لتدخل عسكري اوروبي ستكون إذانا بحرب عالمية ثالثة ) 

بنكدب على نفسنا

( مع تمنياتنا و دعواتنا بعام سعيد مع كل مطلع سنة جديدة يجب أن نعترف اننا نعلم مقدما ان كل عام قادم هو أسوأ مما قبله ، فالمستقبل هو حالة فقدان للعمر و الصحة و الأحبة . )